Sapna

Ek ghar hai mera pahadon pe..
sapna yeh khuli aankh se dekha hai..
behta hai kahin uske peeche ek jharna..
woh roz mujhe bulata hai..

Ek ghar hai mera pahadon pe..

Uss tak jaati sadak kabhi kabhi burf se bhar jaati hai..
aur wahan nukad pe bani bakery ka cake maano duniya ka sabse achha hai..
ek dukan hai wahan ek pahad ki choti pe..
kabhi kabhi chalte chalte wahan pe bhi main ho aati hoon..

Ek ghar hai mera pahadon pe..

meri ghar ki chat se aasmaan ke saare rang dikhte hain..
shaam ko uska aangan mujhe chai peene ke liye pukarta hai..
raat hoti hai to taare bhar jaate hain aakhash mein..
aur chand jaise roz mere liye hi to aata hai..

Ek ghar hai mera pahadon pe..
yeh sapna.. khuli aankhon se dekha hai..